დღეს კონფერენს ლიგის ფინალია | ოლიმპიაკოსი - ფიორენტინა

29-05-2024, 14:58

Aa Aa

გაზიარება:

დღეს, ჩვენი დროით 23:00 საათზე კონფერენს ლიგის ფინალი გაიმართება, რომელშიც ერთმანეთს ოლიმპიაკოსი და ფიორენტინა შეხვდებიან.

აღსანიშნავია, რომ ერთსაც და მეორესაც ფინალამდე კარგი განწყობის მიღება სხვადასხვა მოტივით შეუძლია.

ოლიმპიაკოსი კონფერენს ლიგის ფინალის მასპინძელია, შეხვედრა ათენში გაიმართება და გუნდს ტრიბუნებზე შეკრებილი პუბლიკის სრული მხარდაჭერა ექნება.

რაც შეეხება ფიორენტინას, ის ზედიზედ მეორედაა გასული კონფერენს ლიგის ფინალში და გუნდს, ამ თვალსაზრისით, უდიდესი თავდაჯერება ექნება.

ბუქმეიკერები აღნიშნული ფინალის ფავორიტ გუნდად მაინც ფიორენტინას მიიჩნევენ მიუხედავად იმისა, რომ ბერძნები მატჩს სახლში გამართავენ.