"ვალენსიას" ყოფილი მეკარე, მიგენ ანხელ მოია, რომელიც "ღამურების" შემადგენლობაში 2009-2011 წლებში თამაშობდა გიორგი მამარდაშვილზე საუბრობს და ამბობს, რომ ქართველი მეკარე ესპანეთის ჩემპიონატის ერთ-ერთი საუკეთესო კარის დარაჯია:
"მამარდაშვილის ტრანსფერი ძალიან მომეწონა. აღსანიშნავია, რომ მას საგრძნობი პროგრესი აქვს და თუ ასე გააგრძელებს, მაშინ ვალენსიას მისი შენარჩუნება ძალიან გაუჭირდება. მიუხედავად ამისა, მოხარული ვარ, რომ ვალენსიამ ამ ზაფხულს გიორგის დასატოვებლად ყველაფერი გააკეთა. ვფიქრობ, გიორგი ლა ლიგის ერთ-ერთი საუკეთესო მეკარეა. თუ გიორგის ასაკის მეკარეებს ავიღებთ, მამარდაშვილთან ერთად, პორტუს დიეგო კოსტას გამოვარჩევდი. გიორგის რაც შეეხება, მას ტიბო კურტუასაც ვამსგავსებ, რადგან ორივე მაღალია, თუმცა დაბალ ბურთებზე ორივე დიდებულად თამაშობს. გარდა ამისა, გიორგი თავდაჯერებულია და ორივე ფეხსაც მშვენივრად იყენებს." - მიგელ ანხელ მოია.
შეგახსენებთ, რომ გიორგი მამარდაშვილის სატრანსფერო ღირებულება 20 მილიონი ევროა და ბოლო პერიოდში ქართველ მეკარეს ტურინის "იუვენტუსს" უკავშირებდნენ.