2 მარტს, ქუთაისის ტორპედომ ფოთის კოლხეთი 3:2 დაამარცხა.
ქუთაისელთა მხრიდან დუბლის ავტორი გიორგი არაბიძე გახდა, რომლის მეორე გოლიც მატჩის 78-ე წუთზე განსაკუთრებით ლამაზი გამოდგა.
ნამატჩევს კომენტარი მასპინძელთა დამრიგებელმა, სტივ კინმა გააკეთა:
"დღესაც რომ პრემიერლიგაში ვმუშაობდე, გიორგი არაბიძე იქნებოდა პირველი ფეხბურთელი, რომელსაც ინგლისში წავიყვანდი.
ის ლიდერია და ზუსტად ეს გამოარჩევს სხვებისგან - ზეწოლის ქვეშ თამაში მისთვის პრობლემას არ წარმოადგენს, ნებისმიერი სირთულის გადალახვა შეუძლია. კაპიტნის სამკლაურით გამოვიდა და სამუშაო, რომელიც დღეს მოედანზე გასწია, სიტყვებით შეუფასებელია" - თქვა კინმა.