ქართულ მედიაში იმ ბავშვების კომენტარი ვრცელდება, რომელთა დინამო არენაზე შეპარვის ვიდეო მთელმა ქვეყანამ ნახა.
ისინი ილია წიქარიშვილი და ლუკა ყურაშვილი არიან.
ილია წიქარიშვილი - "დილა რომ გათენდა ლუკამ დამირეკა, მოდი, დღეს თამაშია, ბილეთები ვერ ვიყიდე და შევიპაროთო. პირველად რომ შევიპარეთ, გამოგვიშვეს, მწვანე რაღაცები ეცვათ. არ გვინდოდა სახლში წამოსვლა. არ გვინდოდა დანებება, თუ შესვლა იყო, ბოლომდე უნდა შევსულიყავით. მირეკავს მამა, სახლში წამოდი, არ გინდაო. მამამ დამირეკა და მეორე ტაიმს სახლში ვუყურეთ, სრულად ვერ დავესწარით. რომ დასრულდა, იქ აღარ ვიყავით."
ლუკა ყურაშვილი - "ძალიან გული დამწყდა, კარგად ითამაშეს და ბოლომდე ვერ ვუყურეთ სტადიონზე. ძალიან მიყვარს ბუდუ, კვარაცხელია და მამარდაშვილი, მაგრამ არა, ორივეს ყველა ქართველი ფეხბურთელი გვიყვარს. მშობლებმა რომ ჩვენი ვიდეო ნახეს, გაუხარდათ ძალიან, ხალხი რომ კარგ კომენტარებს წერენ და ვუყვარვართ."