იბერიას შემადგენლობაში 20 წლის გაბონელი შემტევი, ფლორის დჯავე ჩაირიცხა.
დჯავე დედაქალაქურ კლუბს ლატვიური რფს-დან შეუერთდა. მანამდე კი გაბონელი გარემარბი კვიპროსის ჩემპიონატში ასპარეზობდა.
რაც შეეხება ფლორისის სანაკრებო კარიერას, ახალგაზრდა მოთამაშე, გაბონის 23-წლამდე ნაკრების წევრი გახლავთ.
იბერია ეროვნული ლიგაში სამი ტურის შემდეგ 7 ქულით მესამე პოზიციაზეა. თბილისელებმა პირველ ტურში თელავი მინიმალური სხვაობით, 1:0 დაამარცხეს, მეორე ტურში სტუმრად ტორპედოს 2:3 მოუგეს, ბოლო შეხვედრა კი სამტრედიასთან ფრედ, 2:2 დასრულდა.