სერბეთთან ევრობასკეტის შესარჩევ მატჩში 37 წლის გიორგი ცინცაძემ ეროვნულ ნაკრებში უკანასკნელად თამაში ჩაატარა - "ბუ" ნაკრებიდან დღეს გააცილეს.
ნაკრების კალათბურთელები სერბეთთან სპეციალური, ცინცაძისადმი მიძღვნილი მაისურებით გამოვიდნენ, შესვენებაზე კი მას 217 ნომრიანი სიმბოლური მაისური უსახსოვრა.
217 თამაში საქართველოს ნაკრებებისთვის ყველა სპორტში, სარეკორდო მაჩვენებელია და ამ მხრივ, ცინცაძესთან ახლოსაც არავინ დგას.
გიორგიმ ეროვნული გუნდის მაისურით ოფიციალურ მატჩში პირველად 20 წლის წინ, ფინეთთან ითამაშა.