გუშინწინ ხვიჩა კვარაცხელიას ნაპოლიმ ჩემპიონთა ლიგის 1/8-ფინალურ სტადიაზე ბარსელონას უმასპინძლა და შეხვედრა 1:1 დასრულდა.
აღსანიშნავია, რომ გუშინდელი მატჩის შემდეგ ქართველმა ფეხბურთელმა ლიგის პლეიოფში უკვე მეხუთედ ითამაშა, თუმცა გოლი ჯერაც არ გაუტანია.
კვარას ამ დრომდე 5 თამაშში (ორი აინტრახტთან, ორი მილანთან და ერთი ბარსელონასთან) მხოლოდ ერთი საგოლე გადაცემა და 1 გაფუჭებული პენალტი აქვს მითვლილი.
საქართველოს ნაკრებისა და ნაპოლის ლიდერი გოლის გატანასთან ყველაზე ახლოს მილანთან შეხვედრისას იყო, როდესაც ხვიჩამ თერთმეტმეტრიანი ვერ გამოიყენა და მისი გუნდი წინა წლის ჩემპიონთა ლიგის გათამაშებას 1/4 ფინალში გამოეთიშა.