თოკოს 20 ქულა და 10 მოხსნა - კაპიტანმა გაიბრწყინა, თუმცა ვირტუსმა მაინც წააგო

16-02-2024, 12:40

Aa Aa

გაზიარება:

თორნიკე შენგელიას ვირტუს ბოლონია იტალიის თასის 1/4-ფინალში რეჯანას დაუპირისპირდა და შეხვედრა 9 ქულის სხვაობით, 81-72 დათმო.

საქართველოს ნაკრების კაპიტანი თამაშს ძირითადი ხუთეულიდან იწყებდა, პარკეტზე კი ჯამურად 33 წუთი გაატარა, რა დროშიც თოკომ 20 ქულა, 10 მოხსნა და 2 შედეგიანი გადაცემა მიითვალა, თუმცა ვირტუსს ქართველის გაბრწყინება არ ეყო და მაინც წააგო.

რაც შეეხება რეჯანას რიგებში საუკეთესო მოთამაშეს, ის ამერიკელი ლენგსტონ გოლოვეი გახლდათ, რომელმაც 20 ქულა, 5 მოხსნა და 3 პასი ჩაიწერა.

ცნობისთვის, ამ შეხვედრის შემდეგ თორნიკე გეზს საქართველოს ნაკრებისკენ აიღებს და დანიასთან გასამართი მატჩისთვის მოემზადება, რომელიც ალექსანდრ ჯიკიჩის გუნდს ზუსტად ერთ კვირაში, 23 თებერვალს ელის.