ლა ლიგის 22-ე ტურის შეხვედრაში ვილიარეალი ბარსელონას ესტუმრა და 5:3 დაამარცხა.
შეხვედრაში პირველი გოლი, რომელიც ვარმა არ ჩათვალა და ჯარიმა დააფიქსირა, 22-ე წუთზე ხერარდ მორენომ გაიტანა.
მიუხედავად ვარის აღნიშნული გადაწყვეტილებისა, 41-ე წუთზე მორენომ მაინც გაიტანა და ანგარიში ვილიარეალის სასარგებლოდ გახსნა, 0:1.
54-ე წუთზე სხვაობა ორამდე გაზარდა, სტუმართა 19 წლის შემტევმა, ილიას ახომაჩმა.
მე-60 და 68-ე წუთებზე გიუნდოგანმა და პედრიმ გაიტანეს და წონასწორობა აღადგინეს, 2:2.
ბარსას გათანაბრებას 71-ე წუთზე ვილიარეალის მცველის, ერიკ ბაილის ავტოგოლი მოჰყვა, რამაც კატალონიელები წინ გაიყვანა.
ანგარიში ისევ გათანაბრდა 84-ე წუთზე, როცა გონსალო გედეშმა შეაგდო, 3:3.
და ბოლოს მატჩის მიწურულს, 90+9 წუთზე ვილიარეალი წინ ალექსანდერ სორლოტმა გაიყვანა და ანგარიში 3:4 გახადა.
ვილიარეალი არც ამის შემდეგ არ გაჩერებულა და 90+12 წუთზე 36 წლის ვეტერანმა ხოსე ლუის მორალესმა ვილიარეალს გამარჯვება გაუფორმა, 3:5.
22 ჩატარებული მატჩის შემდეგ, ვილიარეალი 23 ქულით მე-14 ადგილს იკავებს, ხოლო ბარსას 21 შეხვედრა აქვს გამართული და 44 ქულით მესამე ადგილზეა.