იტალიის სუპერ თასის ფინალში ნაპოლი ინტერს დაუპირისპირდა და მინიმალური სხვაობით, 1:0 დამარცხდა, მატჩის ერთადერთი გოლი კი ლაუტარო მარტინესმა გაიტანა.
შეხვედრის დასრულების შემდეგ ჟურნალისტებთან ნაპოლის პრეზიდენტი გამოჩნდა. აი, რა თქვა აურელიო დე ლაურენტისმა:
"ჩემი ბიჭებისგან ნაჩვენები ბრძოლით ბოლომდე კმაყოფილი ვარ. თამაშის დასრულების შემდეგ მათთან გასახდელში შევედი და მადლობა პირადად გადავუხადე."
"სხვათა შორის, თამაშამდე მათ დავპირდი, რომ მოგების შემთხვევაში ყველას პრემიას მივცემდი. მიუხედავად წაგებისა, ისინი პრემიას მაინც მიიღებენ", - თქვა დე ლაურენტისმა