როგორც ყველაზე გავლენიანი სპორტული ჟურნალისტი ფაბრიციო რომანო წერს, მატეო პოლიტანო ნაპოლისთან კონტრაქტის განახლებას აპირებს.
ამ მომენტისთვის მხარეებს შორის მოლაპარაკებები მიმდინარეობს და საბოლოო დეტალები ცნობილი სულ მალე უნდა გახდეს.
იტალიელი ჟურნალისტის ინფორმაციით, პოლიტანო ნაპოლიში კიდევ 3.5 წლით დარჩება. როგორც დაიწერა, მან არაბულ კლუბს, კერძოდ "ალ შაბაბს" წინადადებაზე უარი უთხრა და ნაპოლიში დარჩენა არჩია.
აქვე გეტყვით, რომ მატეო პოლიტანომ ნაპოლის მაისურით ამ დრომდე 170 მატჩი გამართა, რა დროშიც მან მეტოქის კარი 28-ჯერ აიღო.