იტალიის ჩემპიონატის რიგით მე-14 ტურში თორნიკე შენგელიას ვირტუსი პესაროს შეხვდა და მეტოქე 83-66 დაამარცხა.
ამ შეხვედრის საუკეთესო მოთამაშე სწორედ ქართველი კალათბურთელი გახდა, რომელიც თამაშში ყველასგან და ყველაფრისგან გამორჩეული იყო.
საქართველოს ნაკრების კაპიტანმა პარკეტზე 22 წუთი გაატარა, რა დროშიც მან 22 ქულა, 5 მოხსნა და 4 შედეგიანი გადაცემა მიითვალა.
აქვე გეტყვით, რომ 14 ტურის შემდეგ ვირტუსი იტალიის ჩემპიონატის მე-3 პოზიციას 20 ქულით იკავებს.