გოგა ბითაძის ორლანდომ NBA-ში მორიგი მატჩი გამართა და ამჯერად ნიუ იორკ ნიკსის დამარცხება შეძლო, - 117:108.
აღსანიშნავია, რომ ქართველი კალათბურთელის კონკურენტი ვენდელ კარტერი მატჩს ტრავმის გამო ტოვებდა, გოგამ კი სწორედ ის ჩაანაცვლა და მშვენიერი შთაბეჭდილებაც დატოვა.
საქართველოს ნაკრების ცენტრმა პარკეტზე 30:26 წუთი გაატარა, რა დროშიც მან 13 ქულა, 7 მოხსნა და 2 ბლოკი მიითვალა.
ცნობისთვის, ბოლო პერიოდში გოგა ბითაძე ორლანდოში მიღებულ წუთებს შესანიშნავად იყენებს და თუ ასე გაგრძელდა, შესაძლოა, რომ გოგა მალე ორლანდოს სასტარტოს კალათბურთელიც გახდეს.