ლივერპულის თავკაცმა იურგენ კლოპმა კლუბის ლაზარეთში არსებულ მდგომარეობაზე ისაუბრა.
გერმანელი სპეციალისტის განმარტებით, მისი ფეხბურთელების ტრავმები საგანგაშო არ არის და მოედანს მალე დაუბრუნდებიან.
"რობერტსონი იანვარში ხელმისაწვდომი იქნება, სამწუხაროდ მაკალისტერი და ჟოტა არსენალთან ვერ დაგვეხმარებიან, მაგრამ სეზონის მეორე ნახევარს მაინც პოზიტიურად შევხვდებით." - განაცხადა იურგენმა.
შეგახსენებთ, რომ ლივერპული და არსენალი პრემიერ ლიგის მეთვრამეტე ტურში ერთმანეთს დაუპირისპირდებიან და ეგრედ წოდებულ "ზამთრის ჩემპიონს" გამოავლენენ. ამ მომენტისათვის ცხრილის სათავეში სწორედ ლონდონური კლუბია.