გუშინ NBA-ში მორიგი შეხვედრა გამართა ქართველი კალათბურთელის, გოგა ბითაძის ორლანდომ, რომელიც მაიამისთან 106-115 დამარცხდა.
საგულისხმოა, რომ აღნიშნულ შეხვედრაში გოგას დიდი სათამაშო დრო ნამდვილად არ მისცემია, რადგან პარკეტზე ბითაძემ მხოლოდ 12:19 წუთი გაატარა, რა დროშიც მან 4 ქულა, 6 მოხსნა და 1 პასი მიითვალა.
ორლანდოს მთავარმა მწვრთნელმა ბითაძის ნაცვლად სათამაშო დრო ტრავმიდან დაბრუნებულ ვენდელ კარტერ ჯუნიორს გაუზარდა, რომელსაც არც ისე კარგი მატჩი გამოუვიდა. მან პარკეტზე გოგაზე თითქმის ორჯერ მეტი, 23:23 წუთი გაატარა, 8 ქულა ჩააგდო, 6 მოხსნა მიითვალა და 1 პასი გააკეთა.
ამ ეტაპისთვის ორლანდო აღმოსავლეთ კონფერენციის მე-4 პოზიციას 16 გამარჯვებითა და 10 წაგებით იკავებს.