ნიდერლანდების ნაკრების ყოფილი ნახევარმცველი უესლი სნეიდერი საუბრობს 2010 წლის ოქროს ბურთის შესახებ
სნეიდერი: ”ცოტა უსამართლო იყო, რომ მე არ მოვიგე 2010 წლის ოქროს ბურთი და მესიმ მოიგო. მაგრამ, მე არ ვარ ის ადამიანი, რომელიც ამაზე ტირის. ოქროს ბურთი ინდივიდუალური ჯილდოა და მე ყოველთვის მირჩევნია კოლექტიური ტიტულების მოგება."
"თუ არჩევანის გაკეთება მომიწევდა ჩემპიონთა ლიგას და ოქროს ბურთს შორის, მე ულაპარაკოდ ჩემპიონთა ლიგას ავირჩევდი."
შეგახსენებთ, რომ უესლი სნეიდერმა 2010 წელს მოიგო ჩემპიონთა ლიგა, სერია A, იტალიის თასი და გავიდა მსოფლიო ჩემპიონატის ფინალში, თუმცა ოქროს ბურთის მოგება მაინც ვერ შეძლო.