საქართველოს ეროვნული ნაკრების და გრაცის "შტურმის" შემტევი ნახევარმცველის, ოთარ კიტეიშვილის ტრავმაზე ავსტრიული გუნდის სპორტულმა დირექტორმა ისაუბრა, მისი განცხადებით ოთარ კიტეიშვილის დაბრუნების მცირე იმედი არსებობს - ინფორმაციას ავსტრიული გამოცემა Kronen zeitung ავრცელებს.
ის ისევ ვარჯიშობს, მაგრამ თქვენ უნდა ნახოთ, თუ როგორ რეაგირებს მასზე აქილევსის მყესი.
ცნობისთვის - ოთარ კიტეიშვილს ქრონიკული ტრავმები აქვს, რომელსაც 26 ოქტომბრის შემდეგ არ უთამაშია, მან ბოლოს ევროპა ლიგის მე-3 ტურში ბერგამოს "ატალანტას" წინააღმდეგ იასპარეზა და მე-13 წუთზე ასისტიც მიითვალა.