ლეგენდარულმა მეკარემ, პეტერ ჩეხმა, დიდი ბრიტანეთის ჰოკეის უმაღლეს ლიგაში პირველი მატჩი ჩაატარა. "ბელფასტ ჯაიანთის" 41 წლის მეკარის დებიუტი წარმატებული გამოდგა.
ჩეხის გუნდმა, ბელფასტმა საკუთარ არენაზე გლაზგოს 5:1 მოუგო. ვეტერანი მოთამაშე ყინულზე მესამე პერიოდის დასრულებამდე 4:43 წუთით ადრე გამოვიდა და ერთი დარტყმა მოიგერია.
ჩემპიონთა ლიგის გამარჯვებული მეკარის სანახავად ბევრი გულშემატკივარი მივიდა - ბელფასტის არენა სრულად სავსე იყო, შეხვედრას 6000-მდე გულშემატკივარი ესწრებოდა.