გამთენიისას ნაციონალურ საკალათბურთო ასოციაციის აღმოსავლეთ კონფერენციაში ერთმანეთს ყველაზე დაცვითი და შემტევი გუნდები დაუპირისპირდნენ.
გოგა ბითაძის ორლანდო მეჯიქი საუკეთესოდ იცავს თავს პარკეტზე და წუხელ ინდიანას ტესტიც ჩააბარეს, ფლორიდელებმა ინდიანა 128:116 დაამარცხეს.
შეხვედრაში გოგა ბითაძემაც მიიღო მონაწილეობა და ყოფილ გუნდთან 22 წუთში 8 ქულა 8 მოხსნა 2 პასი და 4 დაფარება მიითვალა. აღსანიშნავია, რომ გოგას მარგი ქმედების კოეფიციენტი +21 ჰქონდა, რაც კარგი მაჩვენებელია.
ორლანდო წელს კარგად გამოიყურება, აღმოსავლეთ კონფერენციაში მეხუთე ადგილს იკავებენ და დამაჯერებლად გამოიყურებიან.