ესპანელი საფეხბურთო აგენტი, კერძოდ ანტონიო ლოპესი გიორგი მამარდაშვილის შესახებ ავრცელებს რეალურ მიზეზს, თუ რის გამო დაიწუნეს "ბარსელონამ" და მადრიდის "ატლეტიკომ" ქართველი მეკარე:
"გიორგის ერთი წლის განმავლობაში ვადევნებდი თვალს, ხოლო გადაწყვეტილება მაშინ მივიღე, როდესაც ქართველმა მეკარემ გრანადასთან ევროპა ლიგის საკვალიფიკაციო ეტაპზე კუთვნილი შეხვედრა ლოკომოტივთან ერთად გამართა. გიორგი მამარდაშვილის მენტალიტეტი 19 წლის ასაკშივე გამოჩნდა, რის გამოც მისი შეძენა ატლეტიკოს, ბარსელონას, ვილიარეალსა და სევილიურ ბეტისს შევთავაზე, მაგრამ მათ გიორგი წარმომავლობის გამო დაიწუნეს, ამბობდნენ ქართველიაო. დარწმუნებული ვარ, რომ დღეს ნანობენ", - ლოპესი.
შეგახსენებთ, რომ გიორგი მამარდაშვილი "ლა ლიგის" სექტემბრის თვის TOP 5 სეივის ერთ-ერთი მთავარი მონაწილე გახდა, რადგან ქართველმა მეკარემ როგორც მესამე, ისე პირველი ადგილი ერთობლივად დაიკავა. გარდა ამისა, რამდენიმე დღის წინ, მისი სატრანსფერო ღირებულება 20 მილიონამდე გაიზარდა