რუდი გარსიამ "უდინეზესთან" დამაჯერებელი გამარჯვების შემდეგ იტალიურ პრესასთან ისაუბრა და კვარაცხელია შეაქო.
"კვარაცხელია ძალიან კარგი იყო, ორი გოლი შექმნა და ერთი თავად გაიტანა. ის მენტალურად ძლიერია და ბევრი დადებითი თვისება აქვს. ამ თამაშში ერთადერთი ცუდი ის იყო, რომ კარი მშრალად ვერ შევინახეთ."
"რადგან ხვიჩამ დღეს გაიტანა, ახლა მისთვის გატანა უფრო გამარტივდება, მას დიდხანს ვესაუბრე და ვურჩიე, რომ გოლზე ბევრი არ ეფიქრა, ის უნიკალური მოთამაშეა, ცოტაა ისეთი ფეხბურთელი, რომელიც მცველს მის მსგავსად ატყუებს." - განაცხადა ფრანგმა სპეციალისტმა.