"ბარნლიმ მიქაუტაძის სანაცვლოდ წინადადება უკვე შეადგინა" - Lancs Live » სპორტის ხაზი

"ბარნლიმ მიქაუტაძის სანაცვლოდ წინადადება უკვე შეადგინა" - Lancs Live

"ბარნლიმ მიქაუტაძის სანაცვლოდ წინადადება უკვე შეადგინა" - Lancs Live
12-06-2023, 17:24
Aa Aa
გაზიარება:

როგორც იცით, გიორგი მიქაუტაძის ტრანსფერით არაერთი ინგლისური კლუბია დაინტერესებული, მათ შორის ვენსან კომპანის ბარნლიც, რომელმაც ინგლისის რანგით მეორე დივიზიონი მოიგო და მომდევნო სეზონში პრემიერ ლიგაში იასპარეზებს.

სწორედ ამიტომ, ბელგიელ თავკაცს გადაწყვეტილი აქვს, რომ გუნდის შემადგენლობა მნიშვნელოვნად გააძლიეროს, რათა პრემიერ ლიგის სტანდარტები დააკმაყოფილოს და ლიგაში ადგილის შენარჩუნება არ გაუჭირდეს.

აღსანიშნავია, რომ ბარნლისთვის მიქაუტაძე კარგ სატრანსფერო ვარიანტს უკვე თვეებია წარმოადგენს. აი, რას წერს უცხოური გამოცემა ქართველისა და ინგლისური კლუბის შესახებ:

"გიორგი მიქაუტაძისადმი ბარნლის ინტერესი ზედაპირზე კიდევ ერთხელ ამოტივტივდა, რადგან ინგლისურმა კლუბმა ქართველის სანაცვლოდ წინადადება უკვე შეადგინა და მეცს მას უმოკლეს დროში გაუგზავნის."

"ვენსან კომპანის გუნდს მიქაუტაძეს მანამდეც უკავშირებდნენ, თუმცა მაშინ ბელგიელმა თქვა, რომ ბარნლის გიორგის ყიდვა არ შეეძლო. მიუხედავად ამისა, უახლესი ცნობები იმაზე მიუთითებს, რომ ქართველი ფეხბურთელი კარიერას პრემიერ ლიგაში გააგრძელებს. საგულისხმოა, რომ კომპანი მიქაუტაძით მოხიბლულია და ფიქრობს, რომ გიორგი ბარნლის სათამაშო სქემას იდეალურად მოერგება."
- წერს Lancs Live


კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი