როგორც იცით, 2022/2023 წლების სეზონი დასასრულს უახლოვდება, შესაბამისად, აქტიურდება ფეხბურთელთა გასხვისება/შენარჩუნების საკითხიც.
დღეს, La Gazzetta dello Sport-მა დაწერა, რომ ამავე ზაფხულს ნაპოლიში ცვლილებებია მოსალოდნელი და გუნდს 3 მოთამაშე დატოვებს.
ამავე წყაროს ინფორმაციის მიხედვით, აურელიო დე ლაურენტისმა კონტრაქტის განახლებაზე უარი პიოტრ ჟიელინსკის, მატეო პოლიტანოსა და მარიო რუის უთხრა მიუხედავად იმისა, რომ ზოგიერთ მათგანს კლუბში დარჩენა გადაწყვეტილი ჰქონდა.
ცნობისთვის, მარიო რუი ნეაპოლური გუნდის ღირსებას 2018 წლიდან იცავს. რაც შეეხება პიოტრ ჟიელინსკის, ის ნაპოლის 2016 წელს შეუერთდა, მატეო პოლიტანო კი პარტენოპეიმ 2021 წელს დაიმატა.