ისტორიულ მაქსიმუმს მიაღწია - ხვიჩა კვარაცხელიას სატრანსფერო ღირებულება გაიზარდა

3-06-2025, 16:13

Aa Aa

გაზიარება:

ქართული ფეხბურთის ამომავალი ვარსკვლავი, ხვიჩა კვარაცხელია, კვლავ მსოფლიო მედიის ყურადღების ცენტრში მოექცა. პოპულარული სტატისტიკური პორტალის, Transfermarkt-ის ბოლო განახლების თანახმად, კვარაცხელიას საბაზრო ღირებულება 90 მილიონ ევრომდე გაიზარდა, რაც მის კარიერაში რეკორდულ ნიშნულს წარმოადგენს.

ხვიჩამ საფეხბურთო სამყაროს ყურადღება განსაკუთრებით პსჟ-ში გადაბარგების შემდეგ მიიპყრო, სადაც მისი წარმატებული გამოსვლები ჩემპიონთა ლიგაზე და შიდა ტურნირებში დიდ რეზონანსს იწვევს. ქართველი ფეხბურთელის სტაბილური და მაღალმოთხოვნადი თამაშის წყალობით, ექსპერტები მის სატრანსფერო ღირებულებას მნიშვნელოვნად აფასებენ.

შეგახსენებთ, 24 წლის კვარაცხელიასა და პსჟ-ს შორის არსებულ კონტრაქტს ვადა 2029 წლის ზაფხულში ეწურება.