"სეზონის დასაწყისიდანვე ყველა ტურნირის მოგებას ვუმიზნებდით" - დეკუ ბარსელონაზე

22-04-2025, 12:33

Aa Aa

გაზიარება:

ბარსელონას სპორტულმა დირექტორმა დეკუმ პრესასთან საუბარში განაცხადა, რომ კლუბი სამივე ტიტულისთვის ბრძოლას განაგრძობს და არცერთზე არ აპირებს უარის თქმას.

"სეზონის დასაწყისიდანვე მიზანი ნათელი იყო – ყველა ტურნირის მოგება. ამ ეტაპზე გუნდი კარგ ფორმაშია, თავდაჯერებულია და თითქმის ყველა მოთამაშე მზადაა", – განაცხადა დეკუმ.

მან ასევე დაადასტურა, რომ პოლონელი მეკარე ვოიცეხ შჩესნი გუნდში კიდევ ერთი წლით დარჩება:

"შჩესნის დიდი გამოცდილება აქვს და ვიცოდით, რომ ბევრის მოცემა შეეძლო. ის მომდევნო სეზონშიც ჩვენი შემადგენლობის ნაწილი იქნება."

შეგახსენებთ, რომ ბარსელონა ერთდროულად იბრძვის ლა ლიგის, ესპანეთის თასისა და ჩემპიონთა ლიგის ტიტულებისთვის.