მარკ-ანდრე ტერ შტეგენმა გუნდთან ერთად ვარჯიში დაიწყო

31-03-2025, 21:45

Aa Aa

გაზიარება:

2024 წლის სექტემბრის თვეში ბარსელონას მეკარე, მარკ-ანდრე ტერ შტეგენი მძიმედ დაშავდა და როგორც ვარაუდობდნენ, გერმანელ კარის დარაჯს მთელი სეზონი უნდა გამოეტოვებინა, თუმცა სიტუაცია შეიცვალა.

ჟურნალისტი ფაბრიციო რომანო წერს, რომ ტერ შტეგენმა უკვე გუნდთან ერთად დაიწყო ვარჯიში და ფეხბურთელის სურვილია, რომ ბარსელონას მნიშვნელოვან მომენტებში დაეხმაროს.

ბლაუგრანამ მარკის ჩასანაცვლებლად ვოიცეხ შესნი დაიმატა, რომელსაც თავიდან აკრიტიკებდნენ, თუმცა ბოლო პერიოდში პოლონელი კარგად გამოიყურება და კლუბის კარიც საიმედო ხელშია.

ჯერჯერობით უცნობია ტერ შტეგენის დაბრუნების ზუსტი თარიღი, თუმცა, როგორც იწერება, გერმანელი მინდორზე სეზონის დასრულებამდე გამოჩნდება.