დღეს ოქროს ბურთის დაჯილდოებაა - ცერემონიას ერთი ქართველიც დაესწრება

დღეს, 28 ოქტომბერს ოქროს ბურთის დაჯილდოების ცერემონიალი გაიმართება, სადაც არაერთი პრესტიჟული ჯილდოს მფლობელს გავიგებთ.

ჩვენთვის ყველაზე მნიშვნელოვანი და საინტერესო საუკეთესო მეკარისთვის განკუთვნილი ჯილდოა, რომლის მოგების ერთ-ერთი ფავორიტიც გიორგი მამარდაშვილია.

ქართველ მეკარეს გასული სეზონი შესანიშნავი გამოუვიდა. გარდა იმისა, რომ მამარდაშვილი საკლუბო დონეზე საკმაოდ დამაჯერებლად გამოიყურებოდა, ქართველი მეკარის მთავარი ღირსება ევრო 2024 გახლდათ, სადაც გიორგის ყველაზე მეტი მოგერიება დაუგროვდა და საფეხბურთო რეპუტაცია კიდევ უფრო გაიზარდა.

გთავაზობთ სიას იმ ფეხბურთელებისა, რომლებიც ქართველი მეკარის კონკურენტები არიან:

1. დიოგუ კოშტა - პორტუ, პორტუგალია
2. ჯანლუიჯი დონარუმა - პსჟ, იტალია
3. გრეგორ კობელი - დორტმუნდი, შვეიცარია
4. ანდრეი ლუნინი - რეალი, უკრაინა
5. მაიკ მენიო - მილანი, საფრანგეთი
6. ემილიანო მარტინესი - ასტონ ვილა, არგენტინა
7. უნაი სიმონი - ბილბაო, ესპანეთი
8. იან ზომერი - ინტერი, შვეიცარია
9. რონუენ უილიამსი - მამელოდი სანდაუნსი, სამხრეთ აფრიკა

ცნობისთვის, აღნიშნული ცერემონიალი 22:00 საათიდან დაიწყება.