შემოგვიერთდით

12 გატანილი და 0 გაშვებული - საქართველო მიხეილ მესხზე საოცრად თამაშობს!

29-08-2024, 19:00

Aa Aa

გაზიარება:

მოგეხსენებათ, რომ საქართველოს ეროვნული ნაკრები ერთა ლიგის ახალ ციკლს 7 სექტემბერს საშინაო შეხვედრით დაიწყებს, მეტოქე კი ჩეხეთი იქნება, რომელსაც სადებიუტოდ ევროპის ჩემპიონატზე გადავეყარეთ და ქულაც მოვიპოვეთ.

ეროვნული გუნდი ჩეხეთს არა დინამო არენაზე, არამედ მიხეილ მესხის სახელობის სტადიონზე უმასპინძლებს, რამაც გულშემატკივართა სიბრაზე ამავე სტადიონის ტევადობის სიმცირის გამო გამოიწვია.

მიუხედავად ამისა, მაინც არსებობს სტატისტიკა, რაც ჩვენი ნაკრებისთვის დამაიმედებლად იმუშავებს. საქართველომ ბოლო წლებში მიხეილ მესხზე სულ 2-ჯერ ითამაშა, თუმცა ორივე მოიგო და თანაც, ორივე დიდი ანგარიშით.

2023 წლის 12 ოქტომბერს ნაკრებმა ჯერ ტაილანდს უმასპინძლა და აზიელები 8:0 დავამარცხეთ, შემდეგ კი თემურ ქეცბაიას კვიპროსი მივიღეთ და 4:0 ვიმარჯვეთ.

ამდენად, მესხზე ბოლო წლებში გამართული მატჩებიდან 100%-იანი შედეგი გვაქვს, ბურთების შეფარდება კი ნამდვილად შესაშურია, - 12:0-ზე!