ბრიტანულმა The Sun-მა ევრო 2024-თან დაკავშირებით საინტერესო სია გამოაქვეყნა, სადაც დიდი ფორუმის ნაკრებები იმის მიხედვითაა დაწყობილი თუ რომელ მათგანში თამაშობს რაოდენობრივად ყველაზე მეტი მიმზიდველი მამაკაცი.
როგორც სიაში ვხედავთ, პირველ ადგილზე სერბეთია გასული, რომელმაც 100-ბალიანი სისტემიდან საშუალო 77 აიღო, მეორე-მესამე ადგილებს კი იტალია და თურქეთი ინაწილებენ.
რაც შეეხება საქართველოს პოზიციას, ის 24 ნაკრებიდან საპატიო მე-9 ადგილს იკავებს (ქულათა მაჩვენებელი 75), ჩვენს წინ კი ისეთი ქვეყნები არიან, როგორებიცაა უკრაინა, პორტუგალია, სლოვაკეთი, დანია, რუმინეთი და ზემოაღნიშნული სამი ნაკრები.
ცნობისთვის, სიის ბოლო ადგილზე შვეიცარია გავიდა, რომელშიც, როგორც The Sun-მა ჩათვალა, ყველაზე არამიმზიდველი მამაკაცები თამაშობენ.