"თბილისში ისტორია უნდა დავწეროთ" - ლუქსემბურგელი ფანები საქართველოსთან თამაშზე წერენ

21 მარტს საქართველოს ეროვნული ნაკრების ისტორიაში ერთ-ერთი ყველაზე მნიშვნელოვანი მატჩი ლუქსემბურგის წინააღმდეგ შედგება.

თუ ვილი სანიოლის ფორმაციის გუნდი მეტოქეს დაამარცხებს, მაშინ საქართველო ერთა ლიგის ფინალში კვალიფიცირდება, სადაც ყაზახეთი-საბერძნეთის წყვილში გამარჯვებულს დაელოდება, იქ მოგების შემთხვევაში კი ნაკრები პირდაპირ ევრო 2024-ის საგზურს მოიპოვებს.

მოდით, იქამდე ვნახოთ თუ როგორი განწყობით ხვდება ლუქსემბურგელი გულშემატკივარი ხვალინდელ შეხვედრას:

"21 მარტს ახალ სიტყვას ვიტყვით. ყველა ფიქრობს, რომ აუტსაიდერები ვართ, რაც ჩვენს სასარგებლოდ უნდა გამოვიყენოთ."

"თბილისში ისტორია უნდა დავწეროთ. ასეთი კარგი შესაძლებლობა ხშირად არ მოგვეცმა."

"მთავარი ლიდერი არ ჰყავთ, რომელიც სერია A-ში ისევ კარგად თამაშობს. ეს ჩვენი შანსია."

"ცუდია, რომ მათ სტადიონზე გვიწევს თამაში. იმედი მაქვს, ბიჭები გარეფაქტორებს ყურადღებას არ მიაქცევენ და მწვრთნელის სიტყვებს გაითვალისწინებენ."

"თბილისში ჩასულმა გულშემატკივრებმა ფეხბურთელები ბოლომდე უნდა გაამხნევონ."

"რა გგონიათ, პლეიოფის პირველივე შესაძლებლობიდან ვითამაშებთ ევროზე? ბევრი თქვენგანი ოცნებებში ხართ."

"თითქოს ბევრი რამაა მათ მხარეს, მაგრამ კიდევ კარგი, რომ ფეხბურთი მუდმივად ლოგიკას არ ექვემდებარება."

"ბიჭების მჯერა. ჯერ საქართველო, მერე კი ყაზახეთი დამარცხდება."

"ბევრი ფეხბურთელი გვაკლია, ძალიან უნდა გაგვიჭირდეს."

"მომდევნო კვირა ქვეყანაში საზეიმო უნდა იყოს, მათთან კი მგლოვიარე", - წერენ ლუქსემბურგელი ფანები სხვადასხვა სოციალური ქსელის მეშვეობით