აპოელმა კვიპროსის ჩემპიონატში ქართველების გოლებით მოიგო

27-01-2024, 14:26

Aa Aa

გაზიარება:

კვიპროსის ჩემპიონატის 21-ე ტურის შეხვედრაში აპოელმა ნეა სალამისს 4:0 მოიგო, მასპინძელთა მხრიდან კი თავის გამოჩენა გიორგი ქვილითაიამ და ლაშა დვალმა შეძლეს.

საგულისხმოა, რომ ერთიც და მეორეც სასტარტო შემადგენლობაში იყო. გიორგი ქვილითაიამ მეტოქის კარი 36-ე წუთზე აიღო, როდესაც საჯარიმოს მისადგომებთან ქართველმა ფორვარდმა კარგად ითამაშა, ხოლო დვალმა კი მეტოქეს მესამე ბურთი კუთხურიდან 51-ე წუთზე გაუტანა.

ლაშა დვალმა მინდორი 65-ე წუთზე დატოვა, ხოლო გიორგი ქვილითაია თამაშიდან 81-ე წუთზე მოხსნეს (ქართველები ერთ-ერთი საუკეთესოები იყვნენ).

21 ტურის თავზე აპოელი კვიპროსის ჩემპიონატს 48 ქულით ლიდერობს და ტურნირის მოგების მთავარი ფავორიტია.