Transfermarkt-მა იტალიის სერია A-ში მოთამაშე ფეხბურთელების სატრანსფერო ღირებულებები განაახლა, რის შემდეგაც ხვიჩა კვარაცხელიას ფასი ოდნავ შემცირდა.
წინა სეზონის საოცრად ჩატარების შემდეგ კვარაცხელიას ფასი ქართული ფეხბურთის რეკორდულ ნიშანს გასცდა და 85 მილიონი ევრო გახდა, თუმცა ხვიჩა ახლა 80 მილიონი ევრო ღირს.
აღსანიშნავია, რომ სატრანსფერო ფასი შეუმცირდა ხვიჩას უმთავრეს მეწყვილეს, ვიქტორ ოსიმენსაც, რაც გასაკვირი სულაც არაა, რადგან ქართულ-ნიგერიული დუეტი ჯერჯერობით წინა სეზონის მხოლოდ აჩრდილს თუ ჰგავს.