საბა ფურცელაძე თბილისის ჩელენჯერის ფინალშია

23-05-2025, 17:02

Aa Aa

გაზიარება:

ქართველმა ჩოგბურთელმა საბა ფურცელაძემ თბილისის ATP ჩელენჯერზე ფინალში გასვლა შეძლო და კარიერის ერთ-ერთ მნიშვნელოვან გამარჯვებას მიაღწია. ნახევარფინალში მან რთულ ბრძოლაში დაამარცხა ამერიკელი მარტინ დამი – შეხვედრა სამი სეტის განმავლობაში გაგრძელდა და საბოლოოდ ფურცელაძის გამარჯვებით დასრულდა: 7:5, 6:7, 7:6.

ორ საათსა და 25 წუთიან დაპირისპირებაში დაძაბულობამ პიკს გადამწყვეტ ტაი-ბრეიკზე მიაღწია, სადაც საბამ 9:7 გაიმარჯვა. ქართველმა სპორტსმენმა განსაკუთრებული გამძლეობა და მტკიცე ფსიქოლოგიური მომზადება აჩვენა მაშინ, როცა ყველაზე მნიშვნელოვანი ქულები წყდებოდა.

ფინალში ფურცელაძე ახალგაზრდა იტალიელს, 18 წლის ფედერიკო ჩინას დაუპირისპირდება. გადამწყვეტი მატჩი ხვალ გაიმართება და ქართველ ქომაგებს დიდი იმედი აქვთ, რომ საბა თავის წარმატებულ სვლას ტურნირის გამარჯვებით დააგვირგვინებს.