ოთარ გაბელია: "გიორგი მამარდაშვილი ვალენსიაში უნდა დარჩეს"

20-04-2024, 15:00

Aa Aa

გაზიარება:

საქართველოს პირველ არხზე სტუმრად ლეგენდარული ქართველი მეკარე, ოთარ გაბელია იმყოფებოდა, რომელმაც გიორგი მამარდაშვილზე ისაუბრა.

"გიორგი მამარდაშვილი მაღალი დონის მეკარედ ჩამოყალიბდა. „ვალენსიაში“ მას ტყუილად არავინ აიყვანდა. კარში ასეთი მეკარე რომ დგას, ეს ბევრს ნიშნავს – მისი დამაჯერებელი თამაში მცველებზეც დადებითად მოქმედებს."

"რაც შეეხება გიორგის მომავალს, ვრცელდება ინფორმაციები, რომ ბევრი კლუბი ეპატიჟება. თუმცა ვფიქრობ, რომ „ვალენსიაში“ კიდევ ერთი სეზონი მაინც უნდა დარჩეს, თუმცა, საბოლოო არჩევანი მისი გასაკეთებელია", - თქვა ოთარ გაბელიამ.

ბოლო ინფორმაციის მიხედვით, გიორგი მამარდაშვილის შეძენით პრემიერ ლიგის კლუბები ინტერესდებიან.