ორმაგი დუბლი და ბლოკი ლებრონ ჯეიმსზე - გოგა ბითაძის ბენეფისი ლეიკერსთან

5-11-2023, 16:42

Aa Aa

გაზიარება:

გამთენიისას ნაციონალურ საკალთბურთო ასოციაციაში ქართველმა ცენტრმა "ლეიკერსის" წინააღმდეგ ითამაშა

ბითაძის "მეჯიქმა" საკუთარ პარკეტზე "ლეიკერსი" 120-101 დაამარცხა.

ქართველმა ცენტრმა შეხვედრაში სასტარტო ხუთეულში დაიწყო და 26 წუთში 10 ქულას, 10 მოხსნას, 2 პასსა და 5 ბლოკს მოუყარა თავი, რაც საკმაოდ სოლიდური შედეგია.

გოგამ დაცვაში შესანიშნავად იმოქმედა, პირველივე შეტევაში ლიგის ერთ-ერთ საუკეთესო ცენტრს, ენტონი დევის დააფარა და მოგვიანებით მისი მსხვერპლი მეფე - ლებრონ ჯეიმსიც გახდა.

ორლანდოსთვის სეზონი კარგად დაიწყო, აღმოსავლეთ კონფერენციაში 4 მოგებითა და 2 წაგებით მეოთხე ადგილს იკავებენ.

გოგასთვის ეს არ უნდა იყოს უკანასკნელი შანსი, მისი მთავარი კონკურენტი, ვენდელ კარტერი ტრავმირებულია და გოგა ამ შემთვევაში პირველი ოფციაა ხუთ ნომერზე.