ცნობილმა ბრიტანელმა ჟურნალისტმა, პირს მორგანმა წლევანდელ "ოქროს ბურთის" დაჯილდოებაზე საკუთარი აზრი დააფიქსირა:
"ლიონელ მესის აბსურდული გამარჯვება კიდევ ერთი დასტურია იმისა, რომ ოქროს ბურთის მთლიანი სისტემა ფალსიფიცირებულია. მესის 2-ით ნაკლები ოქროს ბურთი უნდა ჰქონდეს, კრიშტიანუს - ორით მეტი, წლეულს კი გამარჯვებული ერლინგ ჰოლანდი უნდა ყოფილიყო. წერტილი". - განაცხადა მორგანმა.
ცნობისთვის, ნორვეგიელმა ერლინგ ჰოლანდმა დაჯილდოებაზე მეორე ადგილი დაიკავა, მესამე ადგილი კი "პსჟ-სა" და საფრანგეთის ნაკრების ვარსკვლავ, კილიან მბაპეს ერგო.