NBA-ს ახალი სეზონი გოგა ბითაძისთვის და ორლანდო მეჯიქისთვის წარმატებულად დაიწყო.
პირველ მატჩში ორლანდომ ჰიუსტონ როქეთსი გაანადგურა - 116:86, ხოლო ქართველმა ცენტრმა სათამაშო დრო მატჩის ბოლო წუთებზე მიიღო.
ბითაძემ პარკეტზე დასკვნითი 5 წუთი გაატარა, ამ დროში კი 7 ქულა, 3 მოხსნა და 1 ჩაჭრა მიითვალა, რაც ამ დროის მონაკვეთისთვის საკმაოდ სოლიდური მაჩვენებელია.
პირველი მატჩი ჩაატარა სან ანტონიო სპურსმაც, თუმცა სანდრო მამუკელაშვილმა სათამაშო დრო ვერ მიიღო.