ხვიჩა კვარაცხელია ოპტიმალურ ფორმას უბრუნდება, რაც გუშინ "უნიონ ბერლინის" წინააღმდეგაც დაამტკიცა.
გერმანულ კლუბთან დაპირისპირებამდე მაურო მელუზომ ქართველ ვარსკვლავზე ისაუბრა:
"კვარაცხელიას სახით ჩვენ მსოფლიოში ერთ-ერთი საუკეთესო ფეხბურთელი გვყავს. მას საოცარი ფიზიკური და ტექნიკური შესაძლებლობები აქვს, ხოლო ხარისხი, რომელიც კვარამ გასულ სეზონში გვანახა, კრისტალური იყო.
იანვარში გუნდს დიდი სახელები არ დატოვებენ. ჩვენ გრძელი შემადგენლობა გვყავს, რაც სიმშვიდის საშუალებას გვაძლევს", - განაცხადა მელუზომ იტალიურ მედიასთან.