ბრიტანულმა სპორტულმა გამოცემა 90min.com-მა მსოფლიოს საუკეთესო 25 გარემარბი დაასახელა, მათ შორის კი ხვიჩა კვარაცხელია საკმაოდ მაღალ პოზიციაზე გავიდა.
ქართველი ფეხბურთელი 90min.com-ის მიხედვით მსოფლიოს მე-11 საუკეთესო ფლანგის შემტევია. აი, რას წერს გამოცემა მის შესახებ:
"ნაპოლიში ტრანსფერიდან მალევე მან კვარადონას ზედმეტსახელი მიიღო, ხოლო ბრწყინვალე სათამაშო სტილისა და დრიბლინგების წყალობით უმალვე გულშემატკივრის ფავორიტი გახდა.
კვარაცხელიას არაპროგნოზირებადობამ და ფეთქებადობამ მისი წარმატება განაპირობა. გასულ სეზონში ის სერია ა-ს საუკეთესო მეპასე გახდა და 12 გოლიც გაიტანა", - წერს 90min.com.