ლიგა 1-ის გასულ ტურში პარიზელების "რენისთან" გამარჯვების (1:3) შემდეგ, დედაქალაქური კლუბის მწვრთნელს ლუის ენრიკეს ჟურნალისტმა ჰკითხა რა არ მოეწონა მისი გუნდის თამაშში, რამაც ესპანელი თავკაცი ძალიან გააღიზიანა.
"ყოველთვის ნეგატივს ეძებთ, გაოცებული ვარ, მსოფლიო ფეხბურთის ისტორიაში ყველაზე უსახური ადამიანი ხართ. იცით, ერთხელ 4:1 მოვიგეთ, მან კი მითხრა, რომ ამ მატჩში წაგებას ვიმსახურებდით. ფეხბურთი უამრავი ასპექტისგან შედგება, როგორც წესი, ეს ახალგაზრდებს ესმით, სამწუხაროდ თქვენ გამონაკლისი ხართ", - თქვა ესპანელმა.