გიორგი მამარდაშვილის ვალენსია ესპანეთის ჩემპიონატში „მალიორკას“ ესტუმრა და ურთულეს დაპირისპირებაში ქულის მოპოვება შეძლო – 1:1.
ლა ლიგის მე-9 ტურის მატჩში ანგარიში მალიორკამ მე-5 წუთზე გახსნა. ვედატ მურიკის გადაცემით დანიელ როდრიგესმა ისარგებლა და ზუსტად დაარტყა.
45+3-ე წუთზე სტუმრებმა წონასწორობა ეფექტური შეტევით აღადგინეს. ამჯერად ასისტენტი ტიერი კორეა იყო, მასპინძლებს კი დიეგო ლოპესმა გაუტანა – 1:1.
55-ე წუთზე მალიორკას მეორეს გატანაც შეეძლო, თუმცა საქმეში გიორგი მამარდაშვილი ჩაერია და გუნდი გოლისგან იხსნა. გატანას ვედატ მურიკი ახლო მანძილიდან თავური დარტყმით ცდილობდა.
ვალენსიამ 9 ტურის შემდეგ 11 ქულა დააგროვა და მე-9 ადგილზეა. გიორგი მამარდაშვილმა კი ლა ლიგაში უკვე ზედიზედ 51-ე მატჩი ჩაატარა.
A BIG save from Mamardashvili 🦇#RCDMallorcaValencia | #LALIGAEASPORTS | #LALIGAHighlights pic.twitter.com/kkOL5CQoYp
— LALIGA English (@LaLigaEN) October 7, 2023