31 წლის ქართველი ჩოგბურთელი ნიკოლოზ ბასილაშვილი, რომელსაც მაისის შემდეგ ტრავმის გამო არ უასპარეზია, რეიტინგში კატასტროფულ რეგრესს განაგრძობს.
განახლებულ პოზიციებში, ქართველმა კიდევ 39 ადგილით დაიხია უკან და ახლანდელი მონაცემებით 396-ე ადგილს იკავებს.
ბასილაშვილს ამაზე უარესი მაჩვენებელი უკვე შორეულ 2014 წლის იანვარში ჰქონდა, როდესაც მსოფლიოს 443-ე ჩოგანი იყო. შეგახსენებთ იმასაც, რომ ნიკასთვის საუკეთესო მაჩვენებელია რეიტინგის მე-16 პოზიცია გახლდათ.
ბასილაშვილი ზედიზედ 8 მატჩში დამარცხდა, ივნისში იდაყვის ოპერაცია გაიკეთა და მას მერე საჩოგბურთო კორტზე აღარ გვინახავს.