გასული სეზონის ერთ-ერთი საუკეთესო ტრანსფერი ხვიჩა კვარაცხელიას 10 მილიონად გაფორმება იყო, ამის მთავარი შემოქმედი კი "ნაპოლის" ყოფილი სპორტული დირექტორი კრისტიან ჯუნტოლი იყო.
La Repubblica-სთან ინტერვიუში ჯუნტოლიმ რამდენიმე საკითხზე ისაუბრა, მათ შორის კი ქართველი ვარსკვლავისა და ვიქტორ ოსიმენის ტრანსფერები გაიხსენა:
"დღეს ფეხბურთში ყველამ ყველაფერი იცის და რთულია, ფეხბურთელები სხვაზე იაფად ჩაიგდო ხელში. ჩემი "ნაპოლიში" მუშაობისას რამდენიმე გარემოება ისე დაემთხვა, რომ კარგი ტრანსფერების გაკეთებაში ხელი შემიწყო.
რომ არა რუსეთ-უკრაინის ომი, ხვიჩა კვარაცხელიას ასე იაფად ვერანაირად ვერ ვიყიდდით. ამავეს თქმა შეიძლება ვიქტორ ოსიმენზე - რომ არა პანდემია და შეწყვეტილი სეზონი, ალბათ ოსიმენი 30 გოლს გაიტანდა სეზონში და პრემიერ ლიგის რომელიმე გრანდში წავიდოდა", - განაცხადა ჯუნტოლიმ.