ახალი სეზონის წარუმატებლად დაწყების გამო "კრემონეზემ" დავიდე ბალარდინი გაათავისუფლა.
იტალიური მედია იტყობინება, რომ ლუკა ლოჩოშვილის ახალი მწვრთნელი ჯოვანი სტოპა იქნება, რომელიც აქამდე სერია ა-ს ბინადარ "მონცას" წვრთნიდა.
მიმდინარე სეზონი "კრემონეზემ" მართლაც არადამაჯერებლად დაიწყო - 5 ტურის შემდეგ მათი მონაგარი მხოლოდ 1 მოგება, 3 ფრე და 1 წაგება იყო, ხოლო სატურნირო ცხრილის მხრივ ისინი მე-10 ადგილზე იმყოფებიან.
"კრემონეზეს" ახალ მწვრთნელზე ოფიციალურ ინფორმაციას უახლოეს დღეებში გავიგებთ.