14 ნოემბერს, მსოფლიოს ჩემპიონატის დაწყებამდე 6 დღით ადრე, რომის "სტადიო ოლიმპიკო" მარადონას საქველმოქმედო მატჩს უმასპინძლებს.
აღნიშნულ შეხვედრას შემდეგი დევიზი ექნება: "მატჩი მშვიდობისთვის", რომელსაც რომის პაპის, ფრანცისკეს ფონდი (ჩვენ ვთამაშობთ მშვიდობისთვის) ახორციელებს და მასში უამრავი ვარსკვლავი დარეგისტრირდა: ჯანლუიჯი ბუფონი, ლუის სუარეზი, ივან რაკიტიჩი, პეპე რეინა, დანი ალვეში, ანხელ დი მარია, ლეო მესი, რონალდინიო, ჩირო იმობილე და ასე შემდეგ.
ამავე შეხვედრის გარშემო კომენტარი გააკეთა ლიონელ მესიმ: "მადლობელი ვარ, რომ მაქვს შესაძლებლობა ვიყო რომის პაპთან და ყველა ამ დიდებულ ფეხბურთელთან ერთად. მნიშვნელოვანია, რომ მშვიდობისკენ მოწოდებას ყველა შეუერთდეს. ჩვენ, შეგვიძლია, რომ ერთად ყველაფერი შევცვალოთ".