საფრანგეთის სარაგბო ჩემპიონატის რანგით მეორე დივიზიონის მეხუთე ტურის შეხვედრაში, ორიაკმა გრენობლს უმასპინძლა და 27:23 დაამარცხა, რაშიც დიდი წვლილი ქართველ მორაგბეებს მიუძღვით.
ორიაკის ძირითად შემადგენლობაში თამაში სამმა ქართველმა დაიწყო, მიხეილ ალანიამ, გიორგი ქართველიშვილმა და ბექა შვანგირაძემ. მასპინძლებმა ამ შეხვედრაში ორი ლელო დადეს და ორივე ქართველების ანგარიშზეა – თავი მიხეილ ალანიამ და ბექა შვანგირაძემ გამოიჩინეს. ქართველიშვილი და ალანია შეცვალეს, შვანგირაძემ შეხვედრა სრულად ჩაატარა. ორიაკის კიდევ ერთი ქართველი, ბასა ხონელიძე მოედანზე 29-ე წუთზე გამოჩნდა.
გრენობლის შემადგენლობაში სასტარტოში იყო ლუკა გოგინავა, რომელიც 64-ე წუთზე შეცვალეს.