საქართველოს ნაკრებმა ევრო 2024-ის საკვალიფიკაციო ეტაპის მეხუთე მატჩი ნორვეგიის წინააღმდეგ გამართა. ოსლოში ჩატარებული შეხვედრა მასპინძელთა გამარჯვებით, 2:1 დასრულდა.
ვილი სანიოლის გუნდიდან გოლით თავი შეცვლაზე შემოსულმა ბუდუ ზივზივაძემ გამოიჩინა, რომელმაც, ირაკლი აზაროვის საგოლე გადაცემა ეფექტური დარტყმით დააგვირგვინა.
ზივზივაძის ამ გოლს გერმანული მედიაც გამოეხმაურა. კერძოდ, liga-zwei.de წერს, რომ ბუდუ კარლსრუეში თავდაჯერებული ბრუნდება.
გარდა ამისა, ქართველ შემტევს ლარს შტინდლის ტრავმამ შანსი გაუჩინა, გუნდში საკუთარი ადგილი დაიმკვიდროს.