ესპანეთის ეროვნულ ნაკრებთან გამანადგურებელი მარცხის შემდეგ საქართველოს ნაკრები პრესტიჟის აღდგენას ნორვეგიასთან ოსლოში ეცდება.
უეფას გადაწყვეტილებით, შეხვედრას მონტენეგროელი სამსაჯო ბრიგადა მოემსახურება - მთავარი არბიტრი 41 წლის ნიკოლა დაბანოვიჩია, რომელსაც ჯვაროსნებთან შეხება აქამდეც ჰქონია.
საქმე ისაა, რომ ნიკოლამ 2021 წელს საქართველო-ალბანეთის ამხანაგური მატჩი და 2011 წლის 17-წლამდე შეხვედრა იმსაჯა. აღსანიშნავია, რომ ორივე შემთხვევაში დაბანოვიჩმა არაერთი ყვითელი ბარათი გამოიყენა.
საკლუბო დონეზე დაბანოვიჩმა 2011 წელს თბილისის "დინამოს" მატჩიც იმსაჯა, რომელშიც დინამოელებმა 2-0 იმარჯვეს.