ოფიციალურად: სერხიო რამოსი კარიერას "სევილიაში" გააგრძელებს.
ფაბრიციო რომანო იტყობინება, რომ ესპანელმა ცენტრალურმა მცველმა 18-წლიანი განშორების შემდეგ "სევილიაში" დაბრუნება გადაწყვიტა და სევილიელებთან მოკლევადიან კონტრაქტს გააფორმებს.
აღსანიშნავია, რომ რამოსს გაცილებით მაღალშემოსავლიანი შეთავაზებები ჰქონდა - ვეტერან მცველს როგორც თურქეთიდან, ასევე არაბეთიდან ეპატიჟებოდნენ, თუმცა საბოლოო არჩევანი მაინც "სევილიაზე" გააკეთა.
მხარეებს შორის ვერბალური შეთანხმება შედგა, სულ მალე რამოსი 18 წლის შემდეგ კვლავ მოირგებს "სევილიას" მაისურს.