დღეს, 2 სექტემბერს, საფრანგეთის ლიგა 2-ის მიმდინარე სეზონის მეხუთე ტურში, ერთმანეთს "ბორდო" და "ოსერი" დაუპირისპირდნენ.
შეხვედრა 2-4 დასრულდა, დავითაშვილის გუნდის მარცხით.
მაგრამ აუცილებლად უნდა აღინიშნოს დავითაშვილის გამორჩეულად კარგი თამაში.
დავითაშვილმა სრული მატჩი ჩაატარა , აქტიურობდა და თავი კარგად წარმოაჩინა.
• 10 "დუელიდან" 7-ში გამარჯვებული გამოვიდა.
• 4 საკვანძო და გადამწყვეტი პასი (Key Pass)
• 1 დიდი შანსი, რომლის დროსაც გოლთან საკმაოდ ახლოს იყო.
• 1 საგოლე გადაცემა
7.7 სამატჩო რეიტინგი (Sofascore-ს მიხედვით)
ზურიკო ახლა უკვე საქართველოსკენ გამოემართება და ეროვნულ ნაკრებში გასამართი მატჩისთვის მოემზადება, რომელშიც საქართველოს ეროვნული ნაკრები ესპანეთს დაუპირისპირდება. მატჩი 8 სექტემბერს, 20:00-ზე , დინამო არენაზე დაიწყება.